Senin, April 23, 2007

FENOMENA

MENYAN JEPANG

Refleksi Dina Kartini


Mbok menawa akeh para kaum wanita kang wis lali marang anane dina Kartini, apa meneh marang labuh lan labete sarta perjuangane kanggo ngangkat derajat wanita sakdrajat karo pria. Pancene emansipasi wanita wis bisa, snajan mbaka saka sithik, mbukak peluang kanggo para wanita mbuktekake kabisane yen ora kalah karo kaum pria.

Wanita pranyata ora mung sakderma dadi kanca wingking thok. Yen ing jaman mbiyen panggonane wanita mung ana ing kasur, dapur lan sumur, ing sakmengko kahanan wis luwih maju. Ing jaman kemajuan ngene wis akeh para wanita kang bisa nggayuh panggonan kang strategis ana ing madyaning paprentahan, kayata dadi mentri, gubernur, bupati, camat nganti tekan lurah. Kamajuan lan kesetaraan pria lan wanita pranyata wis bisa nggawa kemajuan.

 

Nanging sing kadhangkala ndadekake prihatin, tuntutan kemajuan kuwi mau ana sing kebablasen lan ora empan papan. Ora sithik wanita kang merga tuntutan karir njur nglalekake jejibahane ing rumah tangga, malah ana sakperangan wanita kang ngingkari kodrate dewe minangka pihak sing paling dominan anggone nglairake, ndidhik lan nggulawentah anak, khususe ana ing lingkungan ngomah.

 

Ora mung kuwi, ing jaman kang sakabehe diukur nganggo materialisme, bandha, drajat, lan dhuwit, ora sithik wanita kang ngalalake kabeh cara kanggo nggayuh kamulyan donya. Ing jaman saiki, akeh para prawan kang lila dirabi karo Om-om mung merga ngincer bandhane. Si Om-om kang modhal raja brana kuwi mau, nggunakake kesugihane kanggo mikut atine wanita.

Bebasan crita cinta modhal dhengkul, cinta ditolak dukun bertindak. Ing jaman mbiyen dukun kuwi modhal menyan kanggo ngguna-guna utawa melet wong, ananging saiki wis kalah canggih karo “menyan jepang”. Kang dimaksud “menyan jepang” ora liya kayata honda, susuki, isusu, toyota lan liya-liyane( iki versi tembange Kang Sony Joss). Ning kuwi mau mung sakperangan sithik lho.......ora teges kena digebyah uyah tumrape kabeh kaum wanita.
Posted by Nananging Jagad at 09:46:10 | Permanent Link | Comments (15) |
Komentar
1 - pertamax. mocone ngko wae hehe (Comment this)

Ditulis oleh: de at 2007/04/23 - 11:29:50
2 - menyan jepang pancen jossss gandossssss hehee (Comment this)

Ditulis oleh: de at 2007/04/23 - 11:36:08
profile
3 - de, Wuaaaduh, mesti wis pengalaman dipelet menyan jepang ki....he..he (Comment this)

Ditulis oleh: Nananging Jagad at 2007/04/23 - 19:25:38 in reply to: 2
4 - dadi sing kepenak kii wanito jaman mbiyen utawa jaman saiki yo Dab? Yen rumangsaku menyan Jepang kii kadang2 iso luwih penak yen dicampur karo menyan Jowo kuno ... dadine Honda Cap Sewiwi utawa mobil isusu Elep (Comment this)

Ditulis oleh: Moes Jum at 2007/04/24 - 01:20:38
profile
5 - Moes Jum, Hayyah....yo relatip to kuwi Dab! (Comment this)

Ditulis oleh: Nananging Jagad at 2007/04/24 - 09:20:42 in reply to: 4
6 - emansipasi tenan :) (Comment this)

Ditulis oleh: bahtiar at 2007/04/25 - 20:44:31
7 - kelaut aja tuh sing doyan menyan jepang ;) (Comment this)

Ditulis oleh: nino at 2007/04/26 - 11:14:40
8 - selamat hari kartini, aku nggak ngerti bahasa jawa! (Comment this)

Ditulis oleh: awi at 2007/04/27 - 13:20:37
9 - bahtiar, Begitulah yen wanita wis murang tata lan ilang wirange. (Comment this)

Ditulis oleh: Anonymous at 2007/04/27 - 16:02:22 in reply to: 6
10 - nino, Mpun ngaten Mas! (Comment this)

Ditulis oleh: Anonymous at 2007/04/27 - 16:06:56 in reply to: 7
11 - awi, Moga makin banyak Kartini-kartini muda pengemban masa depan yo! (Comment this)

Ditulis oleh: Nananging Jagad at 2007/04/27 - 16:16:23 in reply to: 8
12 - hihihi... menyan jepang... Ada2 aja si Mas.. Kalo menyan eropa lebih 'greng' dong yah... Mercedez.. BMW.. Harley Davidson.. Hahaha..

Untung aku gak bau menyan.. atopun bau bensin.. :) (Comment this)

Ditulis oleh: rhani at 2007/04/30 - 19:41:47
profile
13 - rhani, Lha pilihnya yang mana nich? (Comment this)

Ditulis oleh: Nananging Jagad at 2007/05/01 - 09:26:55 in reply to: 12
14 - hiks.....cari2 kamus jawa ga ada..... (Comment this)

Ditulis oleh: nila at 2007/05/02 - 19:46:21
15 - nila, Emang sudah gak beredar Mbak kamuse, kalo primbon masih banyak lho....malah laris manis je! (Comment this)

Ditulis oleh: Nananging Jagad at 2007/05/03 - 14:04:10 in reply to: 14
Tulis komentar